Саха сирин тирэх пуунун өрөмүөннүүр-чөлүгэр түһэрэр бөлөҕүн исписэлиистэрэ бойобуой соруктары толорорго анал тиэхиньикэлэри өрөмүөннүүллэр. Бу күннэргэ түөрт анал тиэхиньикэни өрөмүөннээн байыастарга ыыттылар.
Бу туһунан тирэх пууннар координатордара «Юстас» иһитиннэрэр.
—Бүгүҥҥү күҥҥэ өссө 14 тиэхиньикэни оҥоро сылдьаллар. Мэхээнньиктэр өрөбүлэ суох үлэлииллэр. Суһаллык уонна хаачыстыбалаахтык өрөмүөннүүргэ кыһаллаллар. Маны таһынан, Саха сириттэн кэлбит үс массыына байыастарга бэрилиннэ, — диэн кини этэр.
Маны таһынан, биир нэдиэлэ иһигэр тирэх пуун үлэһиттэрэ Саха сириттэн тиийбит 83 аадарыстаах баһыылканы тиэрдибиттэрин этэр. Ону таһынан, Ньурба, Мииринэй, Дьааҥы улуустарыттан тиийбит дэлэгээссийэлэри арыаллаабыттар. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Сиһилии: https://www.sakha.gov.ru/news/65871