«Знание» Арассыыйатааҕы уопсастыба персоналы кытта үлэҕэ департаменын салайааччыта Маргарита Богданова-Шемраева РИА Новости-га иһитиннэрбитинэн, 2026 сылга Арассыыйа олохтоохторун 65 үлэ күннээх уонна 27 сынньалаҥ күннээх сайын күүтэр. Бу көрдөрүү инники сыллардааҕар улахан.
Ааспыт сыллары кытта тэҥнээтэххэ:
— 2024 сыл: 64 үлэ күнэ, 28 сынньалаҥ күнэ;
— 2025 сыл: 63 үлэ күнэ, 29 сынньалаҥ күнэ.
Эспиэр этэринэн, 2026 сылга саамай ноҕуруускалаах ыйынан от ыйа буолуоҕа. От ыйыгар 23 үлэ күнэ уонна баара-суоҕа 8 эрэ өрөбүл күнэ былааннанан турар. Бэс ыйыгар уонна атырдьах ыйыгар хас биирдиилэригэр 21-дии үлэ күнэ, оттон сынньалаҥ күннэрэ — тоҕус уонна уон.