Дьокуускай куорат борокуратуурата биир дьахтарга сыһыаннаах холуобунай дьыалаҕа буруйдааһынын өйөөтө. Бу туһунан СӨ Борокуратуурата иһитиннэрэр.
Бу дьахтар 2022–2025 сс Арассыыйа таһыгар олорон, «Госуслуги» сыһыарыы нөҥүө олорор сирин туһунан сымыйа дааннайдары ыйан, алта оҕотугар ый аайы бэриллэр босуобуйаны ыларга сыл аайы сайабылыанньа биэрэр эбит. Түмүгэр киниэхэ сокуону кэһиинэн 4,9 мөл. солкуобай харчы төлөммүт.
Дьокуускай куорат суута дьахтары РФ Холуобунай кодексатын 159.2 ыстатыйатын 4-с чааһынан (ураты улахан кээмэйдээх төлөбүрдэри ылыыга түөкүннээһин) буруйдааҕынан билиннэ. Буруйу чэпчэтэр быһыыны-майгыны, ол иһигэр 1 мөл. солкуобай хоромньуну төннөрбүтүн учуоттаан, суут киниэхэ 3 сыл болдьоххо усулуобуйнайдык көҥүлүн быһарга уураахтаата.