Алтынньы 22-25 күннэригэр Дьокуускайга «НАУКА 0+» билим бэстибээлэ ыытыллыаҕа.
Манна сүрүн үөрэх тэрилтэлэрэ, научнай институттар, научнай-чинчийэр кииннэр түмүллүөхтэрэ. Түөрт күн устата өрөспүүбүлүкэ олохтоохторугар анаан аҕыс былаһааккаҕа 179 тэрээһин ыытыллыаҕа. Бэстибээл Арассыыйа Бэрэсидьиэнэ Владимир Путин биллэрбит Арассыыйаҕа билим уонна тиэхиньикэ дэкээтин чэрчитинэн тэриллэр.
Быйылгы бэстибээл сүрүн тиэмэтэ – куйаар (космос) эйгэтэ. Тэрээһин киһи аан бастаан космоска көппүтэ 65 сылыгар ананар. Маны тэҥэ, Тыа хаһаайыстыбатын үөрэхтээһинэ уонна Саха судаарыстыбаннай университета — М.К. Аммосов аатынан Хотугулуу-Илиҥҥи федеральный университет 70 сылларын туолар үбүлүөйдэригэр ананыаҕа.
Бэстибээл научнай билиини тарҕатар, ыччат чинчийиигэ интэриэһин үрдэтэр, өрөспүүбүлүкэ олохтоохторун аныгы наука ситиһиилэрин кытта билиһиннэрэр соруктаах.
Сиһилии ааҕар сигэ: https://www.sakha.gov.ru/news/66692