Ленскэй оройуоннааҕы суута куорат 50 саастаах олохтооҕун утары оҥоһуллубут холуобунай дьыаланы көрдө.
Кини сэби-сэбиргэли туттан, киһи олоҕор кутталлаах, этигэр-сиинигэр ыар эчэйиини соруйан оҥорон, РФ ХК 111 ыст. 2 ч. “3” пуунунан буруйдаммыт.
Суут бу киһи 2026 сыл тохсунньу 22 күнүгэр эмсэҕэлээбит дьахтарга ыалдьыттыы кэлбитин быһаарда. Бииргэ арыгылыы олорон, хаһаайка итирэн баран, ыалдьытын үөҕэн киирэн барбыт. Сотору кэминэн кинилэр икки ардыларыгар иирсээн тахсыбыт, ол кэннэ ыалдьыт дьиэлээх дьахтары иккитэ түөһүгэр уонна иһигэр быһаҕынан анньан, доруобуйатыгар ыарахан эчэйиини оҥорбут.
Суут мунньаҕар эр киһи буруйун толору билиннэ, оҥорбутун кэмсиннэ.
Суут, буруйу арыйыыга уонна силиэстийэ үлэтигэр көхтөөхтүк көмөлөспүтүн, буруйу оҥорууттан тахсыбыт моральнай хоромньуну бэйэтин баҕатынан толуйбутун, эмсэҕэлээччи сокуону кэһэр быһыытын-майгытын буруйу чэпчэтэр өрүттэр быһыыларынан ааҕан, буруйданааччыны уопсай эрэсиимнээх холуонньаҕа икки сылга көҥүлүн быста.
Бириигэбэр сокуоннай күүһүгэр киирэ илик, өрүттэр апелляционнай суукка ааһыныахтарын сөп.
СӨ сууттарын холбоһуктаах пресс-сулууспалара.