Саха сирин тырааныспарын борокуратуурата уу тырааныспарын суудуналарынан туһаныыга куттал суох буолуутун туһунан сокуону тутуһууну бэрэбиэркэлээтэ.
Бэрэбиэркэ түмүгүнэн быһаарыллыбытынан, быйыл уу суола аһыллыбытын кэннэ Үөһээ Бүлүү сэлиэнньэтигэр Бүлүү өрүскэ урбаанньыт лиссиэнсийэтэ, бэлиэтиир бэлиэлэрэ суох дьону, таһаҕаһы уонна тиэхиньикэни таһарга аналлаах 2 суудунаны туһаммыт. Ону таһынан, суудуналар судаарыстыбаннай регистрацияны ааспатахтар, тиэхиньиичэскэй көрүүнү барбатахтар.
Мантан сиэттэрэн Саха сирин тырааныспарын борокуруора Үөһээ Бүлүү оройуоннааҕы суутугар суудуналар регистрацияланыахтарыгар диэри туһаныллалларын бобор туһунан ирдиир сайабылыанньаны киллэрбит.
Суут быһаарыытынан, борокуруор ирдэбиллэрэ толору толоруллубуттар, суудуналары туһанар бобуллубут.
Суут быһаарыыта сокуоннай күүһүгэр киирбитин кэннэ борокуратуура ону толорууну хонтуруоллуоҕа. Бу туһунан Илиҥҥи-Сибиирдээҕи тырааныспар борокуратууратын МАХ-ханаалыгар суруйаллар.