Ыйытыы: Энергосбытка куруук уочарат. Хас да чааһы быһа туруу, кырдьаҕас дьон эрэйдэннибит. Тоҕо маннык буолбутун быһаарсыаххыт дуо?
Дьокуускай
Туһааннаах ыйытыыга хоруй көрдөөн «Якутскэнергосбыт» («ДЭК» ПАУо) пресс-сулууспатыттан ыйыталаспыппытыгар:
— Күн бүгүн Дьокуускай куоракка элбэх кыбартыыралаах дьиэлэр «Пометей+» салайар хампаанньаттан быһа дуогабарга көһөллөрүнэн сибээстээн (17 тыһ. лицевой счет), ДЭК исписэлиистэригэр, каассаларга уочарат улаатта. Онон, туһааннаах балаһыанньа үөскээбитинэн бырастыы гынаргытыгар көрдөһөбүт. Итиэннэ хампаанньа дистанционнай өҥөлөрүнэн туһанаргытыгар ыҥырабыт. Ол курдук хомунаалынай өҥөлөрү онлайн-сервистэр нөҥүө төлүөххүтүн сөп:
— ДЭК саайтыгар тус кэбиниэккэ киирэн;
— «ДЭК Якутскэнергосбыт» мобильнай сыһыарыытынан;
— ДЭК төлөбүр страницатынан.
Маны таһынан, ДЭК саайтыгар тус кэбиниэккэ киирэн, мобильнай сыһыарыы нөҥүө, интэриниэт-приемнайга энергосбыт өҥөлөрүн боппуруостарын быһаарсыахха сөп. Ол иһигэр иэс-күүс суоҕун туоһулуур ыспыраапканы, дуогабары түһэрсиэххэ, бас билээччини уларытыы уо.д.а.