Чульмаҥҥа полиция отделениетыгар олохтоох дьахтартан сайабылыанньа киирбит.
Куортамҥа ылбыт кыбартыыратыттан көмүс киэргэллэрэ, таҥас-сап, ас-үөл сүппүт. Хоромньу уопсай суумата 100 000 солк. буолбут.
Суһал-ирдир үлэ ыытыллыбытын түмүгэр, 42 саастаах, ханна да үлэлээбэт, Чульман олохтооҕо дьахтар буолара биллибит.
Быһаарыллыбытынан, уорбаланааччы дьахтар бииргэ олорор киһитин кыбартыырата кини бэйэтин олорор дьиэтин уопсай былаһааккатыгар баар эбит. Ол киһитэ баахтанан үлэҕэ барбытын кэнниттэн, кыбартыыратын куортамҥа биэрбиттэр. Саппаас күлүүһэ бу дьахтарга хаалбыт. Дьахтар материальнай ыарахаттары көрсөр буолан, бииргэ олорбут киһитин кыбартыыратыгар ким да суоҕуна киирэн ас-үөл ыларга быһаарыммыт. Бастакы сырыытыгар ким да тугу да билбэтэх. Онон туһанан кини ыалларын дьиэтигэр өссө киирэ сылдьарга санаммыт. Итиэннэ бу сырыытыгар киниэхэ ас-үөл кыра, ситэтэ суох буолбут. Киирэр аан таһыгар турар суумкаттан джинсыны, маайканы, кыһыл көмүс сыапачыканы уонна биһилэҕи уоран ылбыт. Бу ылбыт таҥастара киниэхэ сөп түбэспэтэхтэр, кыһыл көмүһү полициялары көрөөт суох гыммыт.
Уорбаланааччы буруйун билиммит. РФ ХК 158 ыст. 3 ч. («Кража») холуобунай дьыала тэриллибит.
ИДьМ пресс-сулууспата