ИДьМ Мииринэйдээҕи салаатын дьуһуурунай чааһыгар бытовой уонна цифровой тиэхиньикэ маҕаһыыныттан үс паара наушнигы уорбуттарын туһунан иһитиннэрии киирбит.
Суһал-ирдиир үлэ түмүгэр, холуобунай ирдэбил үлэһиттэрэ уорбаланааччы ким буоларын уонна ханна баарын быһаарбыттар. Ол курдук урут сууттана сылдьыбыт 44 саастаах Дьокуускай куораттан төрүттээх киһи эбит.
Быһаарыллыбытынан, уорбаланааччы Мииринэй оройуонугар вахтаҕа үлэлии кэлбит итиэннэ бараары сылдьан олохтоох тиэхиньикэ маҕаһыыныгар хаста да киирэ сылдьыбыт. Консультаннар солото суохтарын туһанан, үс күн устата наушниктары уорбут. Ол кэнниттэн Дьокуускайга төннүбүт уонна тутуллубут. Уорбаланааччы этэринэн, уорбут малын барытын сүтэрбит.
Билигин эр киһиэхэ Арассыыйа Федерациятын Холуобунай кодексатын 158 ыстатыйатын 1 чааһынан «Уоруу» диэнинэн холуобунай дьыала көбүтүлүннэ.