Кэбээйи оройуоннааҕы суутун бириигэбэринэн, улуус олохтооҕо буруйу оҥорууга буруйдааҕынан ааҕылынна. Суут быһаарбытынан, алдьархай 2026 сыл муус устар 12 күнэ үүнэр түүнүгэр биир сэлиэнньэҕэ тахсыбыта. Итирик туруктаах сылдьыбыт сууттанар киһи уонна кини уолун икки ардыгар тахсыбыт мөккүөр түмүгэр аҕа уолун этин-сиинин эчэппит.
Мөккүөр кэнниттэн аҕа киһи кыра уола бас билэр 12 калибрдаах булдун саатын ылан, дьиэ күүлэтигэр хаста да ыппыт. Уола ааны аһан дьиэҕэ киирэ сатаабытыгар буруйданааччы үс миэтэрэ курдуктан төбөтүгэр туһаайан ыыппыт. Уола быһылаан буолбут сиригэр улахан бааһырыытыттан тута өлбүт.
Барыллаан силиэстийэ кэмигэр буруйданааччы бэйэтин буруйу толору билиммит, ол гынан баран, суут мунньаҕар: “Өлөрүөхпүн баҕарбатаҕым, уолбун куттуохпун эрэ баҕарбытым”, — диэн эппиэтинэһин сымната сатаабыт.
Биир кэлим психологическай-психиатрическай эспэртиисэ бигэргэппитинэн, буруйу оҥоруу кэмигэр буруйданааччы өйө үчүгэйин, бэйэтин дьайыылара кутталлаахтарын билэрин уонна көмүскэнэр турукка сылдьыбатаҕын, ол эрээри арыгыттан тутулуктааҕын бигэргэппит.
Буруйу оҥоруу ыараханын (ураты ыар буруйу оҥоруу) уонна сууттанааччы уопсастыбаттан арахсыбакка көнөр кыаҕа суоҕун учуоттаан, суут кинини 8 сыл көҥүлүн быһан, кытаанах эрэсиимнээх холуонньаҕа ыытарга быһаарда. Суут бириигэбэрэ сокуоннай күүһүгэр киирдэ.
СӨ сууттарын холбоһуктаах пресс-сулууспата