Дьокуускайга А.Е.Кулаковскай аатынан норуоттар доҕордоһууларын дьиэтигэр дьоҥҥо-сэргэҕэ анаммыт тэрээһиннэр тиһиктээхтик тэриллэн ыытыллаллар.
Олортон биирдэстэринэн «АртАтриум» сайыҥҥы былаһааккаҕа ыытыллыбыт сэргэх тэрээһин буолар. Манна ырыа-тойук дьиэрэйдэ, үҥкүү-битии көҕүлүттэн тутулунна.
Мустубут ыалдьыттарга «Өбүгэ ситимэ» фольклор ансаамбыла, Наталия Сивцева — Күбэйэ Дьүрүлгэн, Александра Филиппова, Саргылана Алексеева, Раиса Гагарина, Зоя Махатырова, Сергей Протопопов, Сардана Матвеева, Марианна уонна Валерия Кучутовалар, Николай Бандеров, Галина Ушницкая, Станислав Архипов истиҥ ырыаларын бэлэхтээтилэр. Маны сэргэ Екатерина Гомбоева салайааччылаах «Энканто» устуудьуйаны көрөөччүлэр ытыс тыаһынан арыаллаатылар. Марина Кузьмина финтнес киинин кыттыылаахтара, «АЯВРИНА» ансаамбыл, «КҮН» ыччат кэлэктиибэ болҕомтону тартылар.
Көрөөччүлэр тэҥҥэ ырыа ылластылар, үҥкүүлээтилэр, астына-дуоһуйа сынньаннылар.
А.Е.Кулаковскай аатынан норуоттар доҕордоһууларын дьиэтин пресс-сулууспата
Хаартыскалар А.Е.Кулаковскай аатынан норуоттар доҕордоһууларын дьиэтин пресс-сулууспатыттан