Бу нэдиэлэҕэ Саха сирин киин өттүгэр ардахтаах да буоллар, сылаас күн-дьыл туруо.
Сунтаар улууһугар эмиэ ардыыра күүтүллэр. Маннык сабаҕалааһыны Саха сиринээҕи УГМС начаалынньыгын солбуйааччы – Гидрометкиин начаалынньыга Татьяна Маршалик оҥордо, диэн ЯСИА иһитиннэрэр.
«Бэнидиэнньиккэ Дьокуускайга 20 миллиметрдээх сөҥүү түспүтэ, бу иннинэ иккитэ 17-лии миллиметрдээх сөҥүү түспүтэ. Ол эбэтэр икки күн иһигэр икки ыйдаах ардах түспүт. Киһи дьиксинэр ууга барыыта Эбээн Бытантай уонна Сунтаар улуустарыгар бэлиэтэннэ, манна чугастааҕы күннэргэ ардах өссө түһэрэ күүтүллэр», — диэн Маршалик иһитиннэрэр.
Дьокуускайга чугастааҕы сууккаларга сөҥүү түһэрэ күүтүллүбэт. Салгын температурата + 27°C… + 29°C буолуоҕа. Чэппиэргэ термометр көрдөрүүтэ 25°C-тан 30°C диэри үрдүөҕэ.
«Бээтинсэҕэ киин куоракка этиҥнээх ардах түһэрэ сабаҕаланар. Температура кыратык түһүөҕэ. Өрөбүллэргэ эмиэ быстахтык ардыан сөп, ол эрээри салгын орто сылаас буолуоҕа», — диэтэ Татьяна Маршалик.