Быйыл аны маннык албынныыр буолбуттар:
БКЭ түмүгүн бэрэбиэркэлиир уонна ааһыныыны биэрэр официальнай саайтары үүт үкчү үтүгүннэрэр буолбуттар. Бу сымыйа саайтар дьиҥ соруктара — туһанааччылар тус дааннайдарын уоруу.
Маны таһынан түөкүттэр выпускниктарга тахсан, харчыга эксээмэҥҥэ үрдүк баалы ыларгар, эксээмэни уочарата суох хат туттараргар эбэтэр «билсии» көмөтүнэн үөрэххэ киирэргэр көмөлөһүөхпүт диэн этэллэр. Биллэн турар, маннык этиилэр бары буруйга тардыллаллар уонна ханнык да сокуоннай төрүттэрэ суохтар.
Түөкүттэр үөрэх кыһаларын тутар хамыыһыйаларын аатыттан ыытыллыбытын курдук “үөрэххэ киирбит миэстэҕин бигэргэт” диэн электроннай суруктары ыыталыыллар.
Ол эрээри ордук элбэхтик тутар хамыыһыйаттан эрийэллэрин курдук исхиэмэни туһаммыттар.