Өрөспүүбүлүкэтээҕи 2 №-дээх балыыһа-Мэдиссиинэ суһал көмөтүн киинин иһинэн Тымыр эрэгийиэннээҕи киинигэр Арассыыйа Доруобуйатын харыстабылын Е.И.Чазов аатынан кардиология НМИЦ эспиэрдэрин бөлөҕө үлэлээтэ. Бөлөх састаабыгар РФ субъектарыгар НМИЦ соруктарын олоххо киллэриигэ управление начаалынньыгын солбуйааччы Анна Михайловна Шангина, бу управление исписэлииһэ Олег Викторович Милько бааллар.
Эспиэрдэр оробуочай сырыыларын кэмигэр суһал кардиология (анестезиология уонна реанимация) уонна ыарыыны быһаарарга уонна эмтээһиҥҥэ рентген-хирургия ньымаларын отделениеларыгар, нагрузочнай боруобалар кэбиниэттэригэр сырыттылар. Ону таһынан тымыр бастакы сүһүөх кииннэрин кытары видеонан мунньаҕы ыыттылар, хаан эргиирин систиэмэтин ыарыыларыгар мэдиссиинэ көмөтүн салгыы тупсарарга көмөнү дьүүллэстилэр уонна инники үлэлэри торумнаатылар.
Сырыы кэмигэр үс сыл иһигэр сүрэх-тымыр ыарыыларын утары охсуһууга эрэгийиэннээҕи бырагыраама дьаһалларын олоххо киллэрии көдьүүһүн сыаналаатылар. Оробуочай бөлөх каадырынан хааччыллыы уонна куойка пуондата туруктааҕын, Тымыр эрэгийиэннээҕи киинэ мэдиссиинэ тэриллэринэн үчүгэйдик сэбилэммитин бэлиэтээтэ.