Саха тыйаатыра 120-с үбүлүөйдээх сезонун Андрей Борисов туруоруутугар «Түүл уҥуор кытыла» премьеранан түмүктээтэ. Көрөөччү долгуйбут, дуоһуйбут испэктээгэр биир дьикти уонна уустук оруол баар. Ол – Хаамаайы оруола. Кини кимий, кини түүлгэ баар дуу, илэ көһүннэ дуу?
Дьэ, ол туһунан бүгүн Хаамаайы уобараһын өйгө-санааҕа хаалар, киһини толкуйдатар гына арыйбыт Ньургуйаана Шадриналыын кэпсэтиэҕиҥ (атын састаапка Ильяна Павлова оонньоото).
— «Тиэтэйбит» киинэҕэ оруолгун хаһан да умнубаппын. Уопсайынан, сорох оруолларга киһи билбэт буола уларыйаҕын. Онно ким, туох оруоллааҕый?
— Саха биллэр суруйааччыта Николай Неустроев «Тиэтэйбит» кэпсээнинэн Роман Дорофеев устубут киинэтигэр ыҥырарыгар, «Оруолуҥ тыла суох» диэбитэ. Төһө да тыла суоҕун иһин, көрөөччүнү тардары толкуйдаан, тугу эрэ гыныахха наада буоллаҕа. Онон артыыстар айымньыны олорон эрэ ааҕар кэммитигэр оруолбун харахпар тута ойуулаан көрбүтүм уонна киинэҕэ уһулла барбытым. Ханнык баҕарар оруолга хайдах хамсанарыҥ (пластика), туттарыҥ-хаптарыҥ, көрөрүн-истэриҥ наһаа улахан оруоллаах. Онно таба тайаннаххына, тылыҥ-өһүҥ уонна оруолуҥ чочуллан, оҥоһуллан тахсан кэлэр эбит. Чахчы, «Тиэтэйбит» киинэҕэ миигин олох билбэтэхтэрэ. Бэйэбэр үлэлиирбэр интэриэһинэй буоллун диэммин, хас биирдии оруолбар дьоһуннаахтык сыһыаннаһабын. Артыыс киһиэхэ оруола күндү, оруол хайдах чочуллан, ханнык уобарас толкуйданан тахсара киһи бэйэтиттэн улахан тутулуктаах.
Сиһилии «Саха сирэ» хаһыат от ыйын 17 күнүнээҕи нүөмэригэр ааҕыҥ.