Саха киһитэ былыргыттан балыктыырын сөбүлүүр. Сунтаар улууһун Түбэй нэһилиэгэ төһө да кыра буоллар, олохтоохтор оҕолорун өбүгэ үгэһигэр утумнаан иитэллэр. Ол курдук, Түбэй нэһилиэгэр дьыл хайа баҕарар кэмигэр араас күрэхтэр буолаллар. Күөх сайын биир ураты бэлэҕинэн «Спиннинг- 2026» күрэх буолла.
Дьону айылҕаҕа чугаһаппыт, сынньаппыт уонна дьулуурдарын бэрэбиэркэлээбит дьоһуннаах, умсугутуулаах уонна дьону-сэргэни түмсүүгэ ыҥырбыт «Спиннинг — 2026» балыктааһын аһаҕас күрэҕэ бэрт ситиһиилээхтик буолан ааста. Түбэй нэһилиэгин олохтоохторо уонна ыаллыы сытар нэһилиэктэн Сиэйэттэн, Түбэй Дьаархантан, Ыгыаттаттан, Сунтаартан, ыраах Дьокуускайтан, Чурапчыттан ыалдьыттар түмсэн, барыта кыралыын-улаханныын 69 балыксыт күрэхтэстэ. Балыксыттарга икки чаас бэрилиннэ, ол устатыгар Бүлүү эбэбит кытылынан оҕолор, улахан дьон диэн арахсан тэнийэн туран балыктаатылар. Күөх Боллох күндүлээбитинэн, бэрт долгутуулаах күрэх түмүгүнэн кыайыылаахтар быһаарылыннылар.
Күрэххэ кыттааччылар саастарынан араарыллан, күүстэрин тургутаннар, кыайыыга дьулуһууларын көрдөрдүлэр.
Хаптарыллыбыт балык ыйааһынынан кыайыылаахтар ааттаннылар.
Маннык Анал ааттарынан балыксыттар үөрүүлэрэ өссө үрдээтэ:
— «Бастакы балык» — Пахомова Алина, Сунтаар (саамай эрдэ балык хаптарбыт балыксыкка);
— «Улахан балык» — Потапов Юриан — 1,642 кг (саамай бөдөҥ ыйааһыннаах балыгы хаптарбыт оҕоҕо);
— «Кыра балык» — Зедгенидзев Прокопий Леонидович, 0,030 кг (дьоҕус эрээри, сымса балыгы туппут балыксыкка);
— «Эдэр балыксыт» — Алексеев Ньургун 2021 с.т. Дьокуускай (инникигэ эрэллээх, үүнэн иһэр кырачаан балыксыкка);
— «Аҕа саастаах балыксыт» — Данилов Юрий Петрович 1956 с.т. Түбэй Дьаархан (олох уопутун биэрбит, аҕа саастаах балыксыкка).
Ону таһынан түмүгү истии долгутуулаах уонна үөрүүлээх түгэниттэн иһитиннэрдэххэ, оҕолорго:
1 миэстэ — Потапов Юриан — 2,218 кг (Түбэй);
2 миэстэ — Лукавин Маркел — 1,444 кг. (Түбэй);
3.миэстэ — Алексеев Саша — 1.400кг. (Сунтаар).
Улахан дьоҥҥо:
1 миэстэ — Понохова Любовь Николаевна — 2,536 кг. (Түбэй);
2 миэстэ — Пахомов Денис Афанасьевич — 2,082 кг. (Сунтар);
3 миэстэ — Лукавин Эдуард Валерьевич 1,898 кг. (Түбэй).
Күрэх кыайыылаахтарыгар спонсордарбыт көмөлөрүнэн бириистэр уонна Туоһу суруктар туттарылыннылар.
Спонсордарбытыгар: «Рыболов» маҕаһыыҥҥа, урбаанньыт Алексеева Саргылана Ивановнаҕа уонна «ИнструментЦентр» маҕаһыыҥҥа, урбаанньыт Иванов Иван Ивановичка барҕа махталбытын тиэрдэбит!
Бу күрэх биһиги олохпутугар дьулууру, үөрүүнү киллэрдэ. Балыксыттарга барыларыгар уонна көрөөччүлэргэ, тэрийээччилэргэ, Түбэй дьаһалтатын үлэһиттэригэр барҕа махтал! Инникитин даҕаны Түбэйбит нэһилиэгэр маннык кэрэхсэбиллээх уонна дьону-сэргэни түмэр тэрээһиннэр элбии турдуннар!
Анастасия Прокопьевна ВИНОКУРОВА, тэрийсээччи