Мэйиигэ 19-тан 100 миллиардка диэри нейрон баар, кинилэр бэйэлэрин икки ардыларыгар сүҥкэн элбэх ситими үөскэтэллэр.
Онно 2,5 мөлүйүөн гигабайт кэриҥэ информация мунньуллуон сөп, ол 128 Гб “памяттаах” 20 тыһыынча смартфон кээмэйигэр тэҥнээх. Дьиҥ иһигэр бу да сыыппараттан элбэх буолуон сөп, тоҕо диэтэххэ киһи мэйиитэ олус уустук оҥоһуулаах буолан, барыта ситэ үөрэтиллэ илик. Хас биирдии килиэккэ тыһыынчанан ситими үөскэтиэн сөп.
50 сааһын туолбутун кэнниттэн киһи мэйиитин кээмэйэ хас уон сыл ахсын икки-үс бырыһыанынан кыччаан киирэн барар. Нейроннара өлөллөр, кинилэр кээмэйдэрэ кыччыыр, кутурук салаалара кылгыыр, икки ардыларынааҕы сибээстэрэ аҕыйыыр. Маны хайдах гынар кыах суох, айылҕа бэйэтин дьайыыта.
Онон түөһэйбэт, мэйиини чэгиэн илдьэ сылдьар туһугар эмчиттэр эти-хааны хамсатар эрчиллиилэри уонна көхтөөх өй үлэтин тиһигин быспакка ыытар наадалааҕын сүбэлииллэр.