Өрөспүүбүлүкэҕэ 100 саастарын ааспыт олохтоохтор ахсааннара элбээн иһэр. СӨ Үлэ уонна социальнай сайдыы министиэристибэтин иһитиннэриитинэн, күн бүгүн Саха сиригэр 100 саастарын ааспыт 22 киһи олорор.
2026 сыл бастакы аҥаарыгар Саха сирин 9 олохтооҕо 100 саастарын бэлиэтээтилэр. Кинилэр истэригэр Аҕа дойду Улуу сэриитин кыттыылаахтара Валерий Михайлович Спиридонов уонна Кирилл Егорович Павлов бааллар.
«Көхтөөх уһун үйэлэнии» бырагыраама дойду Аҕа баһылыга көҕүлээбит «Дьиэ кэргэн» национальнай бырайыак иитинэн үлэлээн, «Биир ньыгыл Арассыыйа» баартыйа норуот бырагырааматын «Забота о каждом нуждающемся» диэн салаатыгар сөп түбэһэр сыаллаах-соруктаах.
«Биһиги уһун болдьохтоох сорукпутунан норуоппутун харыстааһын уонна ахсааны элбэтии буолар. Уонна, билиҥҥи быһыыны-майгыны, ыарахаттары аахсыбакка туран, биһиги бу хайысханы тутуһуохтаахпыт. Оҕо төрөөһүнүн элбэтии, оҕолоох дьиэ кэргэттэри өйөөһүн, гражданнар чэгиэн олохторун уһатыы – бу барыта биһиги эһигини кытта бииргэ үлэлэһэр сүрүн хайысхаларбыт. Арассыыйа Бэрэсидьиэнэ Владимир Путин ахсынньы 8 күнүгэр 2025 сыллаахха Стратегическай сайдыы уонна национальнай бырайыактар сэбиэттэрин мунньаҕар эппитэ.
«Биһигини, сэрии бэтэрээннэрин уонна сэрии кэминээҕи оҕолору Ил Дархан өрүү өйүүр, сыллата материальнай өттүнэн көмө оҥоһуллар, социальнай үлэһиттэр куруук сибээстэһэллэр. Салалта өттүттэн көхтөөх уһун үйэлэниигэ болҕомто ууруллар», – диэн санаатын үллэһиннэ Аҕа дойду Улуу сэриитин кыттыылааҕа Наум Трифонович Слепцов.
Сиһилии: https://www.sakha.gov.ru/news/58971