Санкт-Петербург куоракка оҕунан ытыыга «Невские стрелы» норуоттар икки ардыларынааҕы күрэхтэһиигэ Саха сирин сүүмэрдэммит хамаандатын чилиэнэ Дайаана Винокурова боруонса мэтээли ылары ситистэ. Бу туһунан «Триумф» киин иһитиннэрэр.
Боруонса мэтээл иһин быһаарыылаах киирсиигэ Саха сирин охчута Арина Ребрушкинаны кытта көрүстэ. Икки күрэсчит олус тэҥ, үрдүк таһымнаах ытыыны көрдөрдүлэр, ол эрээри тиһэх түһүмэхтэргэ Дайаана Винокурова санаатын түмүнэн ордук чопчутук ытан, кыайыыны ылары ситистэ.
Тиһэх икки серияны Дайаана муҥутуур түмүктээхтик — 30-туу очукуонан ытта. Түмүгэр, биир дойдулаахпыт 143:141 ахсаанынан кыайдауонна норуоттар икки ардыларынааҕы турнир боруонса призерунан буолла.