Дьокуускай куоракка дьахтар уонна кыра саастаах оҕо тыына быстыбыт суол быһылаанын туһунан холуобунай дьыала суут көрүүтүгэр ыытылынна. Бу туһунан СӨ Борокуратуурата иһитиннэрэр.
Силиэстийэ сабаҕалааһынынан, 2025 сыл атырдьах ыйыгар 8 сыл тырааныспары салайар дастабырыанньалаах Горнай улууһун олохтооҕо «Toyota Ipsum» массыынанан Дьокуускай куорат өттүттэн Маҕарас сэлиэнньэтин диэки Бүлүүлүүр суол 36-с килэмиэтиригэр массыынатын уруулун кыайан туппакка, утары иһэр суолга тахсан, «Toyota Premio» массыынаны кытта харсыспыт.
Суол быһылаанын түмүгэр «Toyota Ipsum» массыына пассажира — 1977 с.т. дьахтар доруобуйатыгар ыарахан эчэйиини ылбыт, оттон «Toyota Premio» массыына пассажирдара — 1997 с.т. дьахтар уонна 2024 с.т. кыыс оҕо тыыннара быстыбыт.