Эр киһи өйө суох туруктаах суһал көмөнөн балыыһаҕа киирбит. Кини бу иннинэ аймахтарыгар төбөтө күүскэ ыалдьарын туһунан этэр эбит.
Эр киһи төбөтүгэр сфеноидит диэн ириҥэлээх риногеннай менингиккэ кубулуйбут сүһүрүүнү булбуттар.
СамГМУ балыыһатын быраастара эндоскопическай эпэрээссийэни оҥорбуттар, хайытан баран сайҕаабыттар уонна ириҥэтин ылан бырахпыттар. Эпэрээссийэ отут мүнүүтэ барбыт, ол кэнниттэн өссө биир нэдиэлэ устата ыарыһах быраастар көрүүлэригэр стационарга сыппыт. Туруга тупсубутун кэннэ таһаарбыттар. Сотору эр киһи 102 сааһын туолуохтаах диэн РИА-новости суруйар.