Дойду 7 эрэгийиэнигэр «Экстра-Синема» 95 киинэ саалата аһылынна. Нэһилиэнньэни хабыы ахсаана 245 тыһыынчаҕа тэҥнэстэ. Киинэ саалаларын арыйыы сүрүн соруга — нэһилиэнньэни киинэнэн хааччыйыы уонна «Пушкинскай» каартаны туһаныыга туһуланар.
Бу бырайыак «Семья» национальнай бырайыак уонна «Биир ньыгыл Арассыыйа» баартыйа «Культура малой родины» бырайыак сыалларын ситиһиигэ, ону тэҥэ Арассыыйа Федерациятыгар култуураҕа уонна технологическай суверенитетка туһуланар. «Экстра Синема» национальнай сыаннастары бөҕөргөтөр уонна Арассыыйа киинэ индустриятын сайыннарар.
Өймөкөөн нэһилиэгин олохтооҕо Ульяна Захарова киинэ саалата аһыллыбытыттан астынан санаатын үллэстэр:
-Киинэ саалатын аһылларын өр да кэтэстибит. Дьокуускайтан Өймөкөөҥҥө диэри ыраах — балтараа тыһыынча килэмиэтир. Аны билигин Тымныы полюһугар киинэ баар буолла! Үөрүүлээҕэ диэн, киинэ да, ойуулук да көстөр, онон оҕолорго, эдэр ыччакка да, улахан дьоҥҥо үчүгэй, — диир.
Ил Дархан Айсен Николаев: «Киинэ саалалара арыллыылара тыа сирин дьонун-сэргэтин олоҕун сэрхситиэ, тупсарыа, хаачыстыбалаах киинэлэри көрөргө сөптөөх усулуобуйаны тэрийиэ» -диэн санаатын үллэһиннэ.