От ыйын 7-8 күннэригэр сарсыарда 09:00 чаастан киэһэ 19:00 чааска диэри, күһүҥҥү-кыһыҥҥы кэмҥэ бэлэмнэнии чэрчитинэн, «Майа – Бороҕон» 110 кВ кабельнай салгын лииньийэтигэр былааннаах үлэлэр ыытыллыахтара.
Ол курдук, Уус Алдан улууһугар, Сыгыннаахха, Харыйалаахха, Фрунзеҕа Нам улууһугар «Майа – Бороҕон» 110 кВ КВЛ ситимтэн «Бороҕон –Төҥүлү» 35 кВ ВЛ ситимҥэ көһөрүү кэмигэр быстах кэмҥэ уоту биэриини хааччахтааһын ыытыллыа.
Маны таһынан, «Бороҕон» подстанцияҕа икки солбук көһө сылдьар автоматизированнай электростанциялар үлэлиэхтэрэ. Уот күүһэ тиийбэт түгэнигэр Уус Алдан улууһугар уоту араарыахтарын сөп.
«Якутскэнерго» ААУо былааннаах уоту араарыытын уонна өрөмүөн үлэлэрин кыраапыгын официальнай саайтыгар https://www.yakutskenergo.ru аналлаах «График ремонтных работ» салааҕа эбэтэр Telegram ханаалыгар https://t.me/Yakutskenergo сигэнэн көрүөххүтүн сөп.