«Саха сирин бриллианнара» оҕо тыйаатырын отчуоттуур кэнсиэрэ Оҕо көмүскэлин күнүгэр Дьокуускайга Орджоникидзе болуоссатын сыанатыгар бэрт чаҕылхайдык ааста!
Тыйаатыр салайааччыларынан бэйэлэрин идэлэригэр муҥура суох бэриниилээх, уопуттаах уонна чаҕылхай талааннаах РФ уонна СӨ үтүөлээх артыыстара Афанасий уонна Зоя Соловьевтар буолаллар. Кинилэр үрдүк маастарыстыбалара оҕо аайы айар куту уһугуннарар. Кинилэри кытта тэҥҥэ, хас биирдии иитиллээччигэ ураты сыһыаннаах, саҥа талааннары арыйар чаҕылхай профессионал хореограф — Айталина Унарова бу сезоннааҕы ситиһиилэринэн киэн туталлар.
Бу үөрүүлээх күн аһаҕас халлаан анныгар оҕолорун бастыҥ нүөмэрдэрин көрөн, төрөппүттэр үөрдүлэр уонна астыннылар! Кинилэр долгуйбут харахтарыгар — дьол уонна оҕо туһугар киэн туттуу… Бу — хас биирдии төрөппүт оҕотун туһугар күннээҕи сыратын, тулуурун уонна тапталын үрдүк түмүгэ буолар. Үҥкүү оҕону эт-сиин, кут- сур уонна доруобуйа өттүнэн чэбдигирдэр, бэйэҕэ эрэллээх буоларга үөрэтэр.
Сайынны сынньалан кэмигэр оҕолор бириэмэлэрин туһалаахтык уонна салгыы сайдалларыгар, тыйаатыр «ЛЕТО С БЯ» сайыҥҥы лааҕырга 6-8 саастаах уолаттарга уонна кыргыттарга анаан суруйтарыыны саҕалаата. Билсэр нүөмэргит 8-914-263-45-98.
Оҕолорбут айар дьоҕурдарын уһуйан, кэрэ эйгэтигэр улахан кылааккыт иһин төрөппүттэр дириҥ махталбытын биллэрэбит!
Чэмэлиинэ Скрябина.