Балаҕан ыйын 1-4 күннэригэр Владивостокка Уһук Илиннээҕи федеральнай университет кампуһун былаһааккатыгар ыытыллар Илиҥҥи экэнэмиичэскэй пуорум — 2026 дьыалабыай бырагырааматын оҥкула билиннэ.
Быйыл ВЭФ кыттыылаахтарын «Дальний Восток — развитие во благо людей» тиэмэ түмүөҕэ.
РФ Бырабыыталыстыбатын Бэрэссэдээтэлин солбуйааччы — Уһук Илиҥҥэ РФ Бэрэсидьиэнин боломуочуйалаах бэрэстэбиитэлэ, ВЭФ тэрийэр кэмитиэтин бэрэссэдээтэлэ Юрий Трутнев макроэрэгийиэни сайыннарыыга пуорум суолтатын бэлиэтээтэ.
—Илиҥҥи экэнэмиичэскэй пуорум Уһук Илин социальнай‑экэнэмиичэскэй сайдыытыгар биир саамай көдьүүстээҕинэн буолла. Экэнэмиичэскэй көҕүлээһин инники сайдыыга бигэ тирэхтэнэргэ уонна социальнай эйгэҕэ өссө улахан болҕомто уурарга кыаҕы биэрдэ. Илиҥҥи экэнэмиичэскэй пуорумҥа туох ситиһиллибитин уонна сотору кэминэн туохха болҕомто ууруллан үлэ барыахтааҕын дьүүллэһиэхпит, — диэтэ Юрий Трутнев.
ВЭФ чэрчитинэн креативнай индустриялар пуорумнара, «День будущего» ыччат пуорума, «День сокола» аан дойдутааҕы пуорум, МСП пуорума, уо.д.а. былааннаналлар. Кытайы, Индияны, Монголияны, Вьетнамы уо.д.а. кытта биисинэс-кэпсэтиилэр ыытыллыахтара.
ВЭФ тэрийээччитэ — РФ Бырабыыталыстыбатын өйөбүлүнэн Росконгресс пуондата.
Сиһилии: https://www.sakha.gov.ru/news/56540
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Андрей Сорокин түһэриитэ, ЯСИА