Атырдьах ыйын 1-2 күннэригэр Кытай Шэньян куоратыгар ВТ тхэквондоҕа Кытай, Арассыыйа уонна Соҕуруу Кэриэйэ икки ардыларынааҕы турнира, ону тэҥэ Шэньян куорат 13-с аһаҕас турнира буолан ааста. Бу улахан күрэхтэһиигэ Саха сирин күрэсчиттэрэ «спарринг» көрүҥэр 16 мэтээли сүүйэн, улахан ситиһиилээхтик кытыннылар.
Күрэхтэһии киэҥ далааһыннаахтык ааста: манна Кытайтан 2000-тан тахса, Арассыыйаттан 60 уонна Соҕуруу Кэриэйэттэн 20 күрэсчит кытынна.
Саха сириттэн 20 киһилээх хамаанданы өрөспүүбүлүкэтээҕи Хапкидо федерацията салайан илдьэ сырытта. Күрэсчиттэрбит турнир иннинэ бэлэмнэнэн, от ыйын 17 күнүттэн Далянь куорат чугаһыгар баар Хайдао арыыга Кытай тхэквондистарын кытта бииргэ үөрэтэр-эрчийэр сборга дьарыктаммыттар.
Уопсайа «спарринг» көрүҥэр саха күрэсчиттэрэ 16 араас мэтээли ыллылар.
- Кыһыл көмүс мэтээл: Саамай үрдүк көрдөрүүнү Лев Васильев ситистэ («Спортбаза» кулууп, Саха сиринээҕи Хапкидо федерацията, тириэньэрэ Гаврил Сивцев). Кини хамаандаҕа соҕотох кыһыл көмүс мэтээли тутта.
- Үрүҥ көмүс мэтээл: Дьокуускайдааҕы «Темпл» спорткулууп иитиллээччилэрэ (тириэньэр Варвара Афанасьева) — Елизавета Канина, Виолетта Гуляева, Полина Пахомова уонна Даниел Федоров үрүҥ көмүс призердарынан буоллулар.
- Боруонса мэтээл: Мииринэйдээҕи «Олимп» култуура-успуорт комплексын күрэсчиттэрэ (тириэньэр Виктория Казарина) Степан Хвостик уонна Антонина Бабушкина боруонса мэтээллэргэ тигистилэр. Итиэннэ хамаанда атын чилиэннэрэ эмиэ боруонса мэтээллэри эбэн, уопсайа 16 мэтээл ситиһилиннэ.