Бүгүн, атырдьах ыйын 8 күнүгэр, күнүс 12:00 чаас саҕана Сунтаар улууһугар «Бүлүү» федеральнай суол Кириэстээх — Мииринэй хайысхатынан (1077-с км), тыаҕа отоннуу сылдьан 1959 сыллаах төрүөх эр киһи сүппүт. Бу туһунан Саха сирин Быыһыыр сулууспатыгар Сунтаардааҕы биир кэлим дьуһуурунай-диспетчерскэй сулууспатыттан киирбит.
Эр киһини кытта өссө икки киһи баар эбит. Билигин кини аргыстара сүтэрбит киһилэрин көрдүү сылдьаллар, кинилэри кытта сибээс суох.
Сунтаардааҕы хонтуруоллуур-быыһыыр пуун быыһааччылара быыһыыр үлэҕэ бэлэмнэр.