Судаарыстыбаннай Дуума вице-спикерэ Борис Чернышов сайыҥҥы сынньалаҥ кэмигэр төрөппүттэргэ икки нэдиэлэлээх төлөнөр сыллааҕы уоппусканы биэрэргэ этии көтөхпүт. Бу туһунан РИА Новости суруйар.
“Сайыҥҥы сынньалаҥ кэмигэр 14 күннээх төлөнөр сыллааҕы уоппусканы олохтуур ирдэнэр дии саныыбын. Ыйыллыбыт мэктиэҕэ уоппусканы көрүү бэрээдэгин уонна үбүлээһинин РФ Бырабыыталыстыбата быһаарыан сөп” – диэн докумуоҥҥа суруллубут.
Итини тэҥэ, төрөппүтэртэн биирдэстэригэр төлөнөр сыллааҕы сүрүн уоппуска 28 күнүн олоччу эбэтэр чааһынан сайыҥҥы сынньалаҥ кэмигэр көрөллөрүгэр көҕүлээһин быһыытынан санааларын этэллэр.
Вице-спикер этэринэн, тустаах көҕүлээһин олоххо киирдэҕинэ төрөппүттэр сынньалаҥ халандаарынан сирдэтинэн үлэлииллэрин мэктилиэҕэ, оҕо сынньалаҥын тэрийиигэ дьиэ кэргэн үпкэ ноҕоруускатын намтатыаҕа, сынньалаҥ кэмигэр сокуоннай саастарын туола илик оҕолор куттала суох хааччыллалларын үрдэтиэҕэ, ыал бииргэ сынньанар кыаҕын үөскэтиэҕэ уонна төрөппүт-оҕо икки ардынааҕы сыһыаны бөҕөргөтүөҕэ диэн этэр. Бу туһунан РИА Новости суруйар.