Саха сирин олохтоохторо «Уһун уонна көхтөөх олох» национальнай бырайыак чэрчитинэн диспансеризацияны босхо ааһан, доруобуйаларын туругун бэрэбиэркэлэтэр кыахтаахтар. Чинчийии олорор сирдэринэн поликлиникаларга ыытыллар диэн СӨ Доруобуйа харыстабылын министиэристибэтэ иһитиннэрдэ диэн Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата суруйар.
Диспансеризация — бу ыарыылары, кутталлаах фактордары уонна доруобуйа кэһиллиилэрин эрдэттэн быһаарарга туһуламмыт мэдиссиинэ чинчийиитин комплекса. Эмчиттэр бэлиэтииллэринэн, бириэмэтигэр оҥоһуллубут диагностика эмтээһини эрдэ саҕалыырга уонна көдьүүһүн үрдэтэргэ көмөлөһөр.
Саха сирин олохтоохторугар 18-тан 39 саастарыгар диэри диспансеризацияны үс сылга биирдэ ааһар наадатын санаталлар. 40 саастарыттан ыла чинчийиини сыл аайы ааһарга сүбэлииллэр.
Диспансеризация чэрчитинэн олохтоохтор профильнай исписэлиистэр сүбэлэрин ылыахтарын уонна хас да чинчийиини ааһыахтарын сөп:
— терапевт уопсай көрүүнү оҥорор уонна пациент доруобуйатын туругун сыаналыыр;
— дьахталларга гинеколог көрүүтэ уонна онкоцитологияҕа анаалыс;
— эр дьоҥҥо уролог көрүүтэ уонна простатическай специфическэй антигенҥа (ПСА) анаалыс (сааһынан көрөн);
— хирург көрүүтэ, электрокардиограмма (ЭКГ), кардиолог сүбэтэ, эндокринологка щитовиднай былчархай үлэтин бэрэбиэркэлэтии.
Диспансеризация бырагырааматыгар киирэллэр:
— хаан уопсай уонна биохимиялаах анаалыстара;
— тыҥа үлэтин сыаналыырга спирометрия;
— флюорография;
— харах дабылыанньатын кэмнээһин;
— хойууга хаан баарын-суоҕун бэрэбиэркэлээһин (скрытая кровь).
40-тан 75 саастарыгар диэри саастаах дьахталларга икки сылга биирдэ маммография ааһар кыах бэриллэр.
Диспансеризацияҕа 122 нүөмэргэ эрийэн суруйтарыахха сөп.
Сиһилии: https://www.sakha.gov.ru/news/49837