Саха сиригэр «Дьиэ кэргэн» национальнай бырайыак чэрчитинэн култуура тэрилтэлэрин саҥардыыга федеральнай бүддьүөттэн 251 мөлүйүөн солкуобай көрүлүннэ.
Ол курдук ыытыллар үлэлэр истэригэр Покровскайдааҕы «Саргы түһүлгэтэ» култуура уонна норуот айымньытын киинигэр, Анаабыр улууһун кыраайы үөрэтэр уонна этнография түмэлигэр, Сэбиэскэй Сойуус Дьоруойа Ф.М. Охлопков аатынан кыраайы үөрэтэр мусуойга, Национальнай художественнай түмэлгэ, Национальнай бибилэтиэкэҕэ, Опера уонна балет судаарыстыбаннай, Саха академическай тыйаатырдарыгар хапытаалынай өрөмүөн ыытыллыаҕа.
20 муниципальнай уопсастыбаннай киин материальнай-тиэхиньиичэскэй баазата бөҕөргүөҕэ. Национальнай художественнай мусуойу, Хомус түмэлин уонна Аан дойду норуоттарын киинин, Алданнааҕы устуоруйа уонна кыраайы үөрэтии мусуойун аныгы тиэхиньиискэй тэрилинэн хааччыйыы былааннанар. Оҕо дьоҕурун сайыннарар кииннэр Дьокуускайдааҕы бибилэтиэкэ ситимигэр уонна Мэҥэ Хаҥалас улууһун Нөөрүктээйи нэһилиэгэр арыллыахтара. Алдан оройуонун Якокит нэһилиэгинээҕи, Бүлүүтээҕи, Чурапчы киин бибилэтиэкэлэрэ «модельнай бибилэтиэкэ» быһыытынан үлэлиэхтэрэ.
Өрөспүүбүлүкэтээҕи «Моя Якутия в ХХI веке» үтүө дьыала хамсааһынын чэрчитинэн, Дьааҥы улууһун Суордаах уонна Кэбээйи улууһун Батамай нэһилиэктэригэр элбэх хайысхалаах култуура кииннэрэ, Бэчинчэҕэ уопсастыбаннай киин, Ленскэй оройуонун Ньүүйэ нэһилиэгэр култуурунай-спортивнай комплекс тутуллуохтара.
Сиһилии: https://www.sakha.gov.ru/news/43922 ааҕыҥ.